ಕಪ್ಪು ಬಿಳುಪು ಚಿತ್ರಗಳಲ್ಲಿ...

ನೀ ಬಣ್ಣವಾಗದಿರಲು

       ಈ ಬದುಕಿನ ಹಾಳೆಯಲಿ..

      ನಿನ್ನ ನೆನಪುಗಳು ಬೆರೆತಾಗಿವೆ

      ಬದುಕಿನ ಕಪ್ಪು ಬಿಳುಪು ಚಿತ್ರಗಳಲ್ಲಿ...

ಸುಂದರ ಕನಸು....

ನನ್ನ ಎಲ್ಲ ಕನಸುಗಳಲ್ಲಿ ನೀ        

       ವಾಸ್ತವದ ಬದುಕಾಗಿರುತ್ತಿದ್ದೆ..

       ಆದರೆ ವಾಸ್ತವದಲ್ಲಿ ನೀ 

       ಬದುಕಿನ ಸುಂದರ ಕನಸಾಗಿಯೇ ಉಳಿದೆ....

ಕಾಯುತ್ತಿದೆ ಮನ..

ಎದೆಯಂಗಳದಲ್ಲಿ ಪ್ರೀತಿಯ 

      ಹಣತೆ ಹೊತ್ತಿಸಿ.. ಕಾಯುತ್ತಿದೆ ಮನ..

      ಈ ಹಾಲು ಬೆಳದಿಂಗಳರಾತ್ರಿಯಲ್ಲಿ....

     ಹೊಳೆಯಂಚಿನ ಕಾಲುದಾರಿಯಲ್ಲಿ.. 

     ನೀ ಬಂದೇ ಬರುವೆಯೆಂಬ ನಿರೀಕ್ಷೆಯಲ್ಲಿ..

ಹೃದಯ ನುಡಿಯುತ್ತಿದೆ ..

ಮೊದಲ ಸಾರಿ ...

ಹೃದಯ ನುಡಿಯುತ್ತಿದೆ ..

ತೊದಲು ತೊದಲಾಗಿ..

    ನೀ ಬರುವೆಯ...

   ಇನ್ನೂ ಬಿಡಿಸದ ಪ್ರೆಮಚಿತ್ರಕ್ಕೆ..

    ಬಿಳಿಯ  ಹಾಳೆಯಾಗಿ...

ಮಂಗಳದ ಮುಂಬೆಳಗಿಗಾಗಿ.......

ಪ್ರತಿದಿನವೂ ಸಂಧ್ಯೆಯಂಗಳದಿ ನಿಂತು 

     ಭಾಸ್ಕರನ ಬೀಳ್ಕೊಡುವ ಭೂರಮೆ 

     ಕಾಯುವುದು ಮರುದಿನದ 

     ಮಂಗಳದ ಮುಂಬೆಳಗಿಗಾಗಿ.......

ಸಂದರ ಸಂಜೆಯನ್ನು ಗೆಳೆಯನೊಬ್ಬ ಕ್ಯಾಮೆರಾದಲ್ಲಿ ಕ್ಲಿಕ್ಕ್ಕಿಸಿದ್ದು ಹೀಗೆ

ಏಕಾಂಗಿಯೇ..

ಸೂರ್ಯನಿಗೆ ಇರುವ 

      ಮನಸ್ಸಿಲ್ಲಾ..

      ಚಂದ್ರನಿಗೆ ಬರುವ 

      ಮನಸ್ಸಿಲ್ಲಾ...

     ಸಂಧ್ಯೆ ಯಾವಾಗಲೂ 

     ಏಕಾಂಗಿಯೇ..

ನೆನಪೇ ಆಗಲಿಲ್ಲವೇನೋ ಹುಡುಗಾ......

 ಇಂದು ಇನ್ನೊಬ್ಬಳಿಗೆ ತಾಳಿ ಕಟ್ಟುವಾಗ 

       ನನ್ನ ಕೊರಳಿಗೆ ಮುತ್ತಿಕ್ಕಿದ್ದು 

       ನೆನಪೇ ಆಗಲಿಲ್ಲವೇನೋ ಹುಡುಗಾ..

      ಇಂದು ಇನ್ನೊಬ್ಬಳ ಪಾಣಿಗ್ರಹಣ ಮಾಡುವಾಗ 

      ನನ್ನ ಕೈ ಹಿಡಿದು ನಡೆದಿದ್ದು 

      ನೆನಪೇ ಆಗಲಿಲ್ಲವೇನೋ ಹುಡುಗಾ.....

     ಇಂದು ಇನ್ನೊಬ್ಬಳೊಂದಿಗೆ ಸಪ್ತಪದಿ ತುಳಿಯುವಾಗ 

     ಒಂದೇ ಕೊಡೆಯಲ್ಲಿ ನಾವಿಬ್ಬರು 

     ಹಂಚಿಕೊಂಡ ಹೆಜ್ಜೆಗಳು  

     ನೆನಪೇ ಆಗಲಿಲ್ಲವೇನೋ ಹುಡುಗಾ..