ನಲ್ಲ ಬರುವನಂತೆ ..

Photo by : Dinesh Maneer
http://www.dineshmaneer.com/

ಭಾವಗಳೂ ಬದಲಾಗುತ್ತವೆ .. 

ಸಂಜೆ ಬಾನಂಚಲ್ಲಿ 

ರಂಗು ಬದಲಾದಂತೆ ... 

ಮನದ ಮನೆಯಲ್ಲಿ 

ಅದಾಗಲೇ ಸಡಗರ ... 

ತಂಗಾಳಿ ಹೊತ್ತು ತಂದ ಸುದ್ದಿ .. 

ನಲ್ಲ ಬರುವನಂತೆ .. 

ವಶಕ್ಕೊಪ್ಪಿಸಬೇಕು ನಾ 

ನನ್ನೆಲ್ಲ ಭಾವಗಳ ಪಿಸುನುಡಿಯಲ್ಲಿ 

ನಿನಗೆ ಮಾತ್ರ ಕೇಳುವಂತೆ 

ನಿನ್ನ ಬಿಸಿಯಪ್ಪುಗೆಯಲ್ಲಿ ... 

ಗಡಿಯಾರದ ಮುಳ್ಳುಗಳದೂ 

ಮುಂದೋಡಲು ಮುಷ್ಕರ 

ನೀ ಬರುವ ಹೊತ್ತಲ್ಲಿ ..

ನಾ ನನ್ನೊಳಗೆ ನಗುತಿರಲು 

ನಿನ್ನ ಪ್ರತಿಬಿಂಬ ಕಾಣುವಾಸೆ 

ಹೊರನೆಟ್ಟ ಕಂಗಳಲಿ .. 

ಚಡಪಡಿಕೆಯ ಮನಸ್ಸು 

ಕಾಯುವಿಕೆಯ ಮುನಿಸು .. 

ನಿನ್ನ ಕಂಡಾಗ 

ಮುಗುಳು ನಗೆಯಾಗಿ 

ಬದಲಾಗುವದು ತುಟಿಯಂಚಲ್ಲಿ ..