ಅಪ್ಪನಂತಹ ಅಪ್ಪನಿಗೆ ...

ಪ್ರೀತಿಯ ಸುಧೆಯ ಧಾರೆಯೆರೆದು.. 

ಬೈಗುಳಗಳ ಚಾಣ ಹೊಡೆದು.. 

ಸಂಸ್ಕಾರದ ಎರಕ ಹೊಯ್ದು.. 

ನನ್ನ ವ್ಯಕ್ತಿತ್ವ ಕಡೆದ ..

ಶಿಲ್ಪಿಯಂತ ಅಪ್ಪನಿಗೆ.. 

ಸುಭಾಷಿತದ ಉಕ್ತಿಯಂತೆ 

ಐದು ವರ್ಷಗಳ ಕಾಲ ಮುದ್ದಿಸಿ.. 

ಆಮೇಲೆ ಹತ್ತು ವರ್ಷ ದಂಡಿಸಿ.. 

ಶೋಡಷದಲ್ಲಿ ಸ್ನೇಹಿತೆಯಂತೆ ಕಂಡ 

ಸ್ನೇಹಿತನಂತ ಅಪ್ಪನಿಗೆ..

ಹಂಸ ಕ್ಷೀರ ನ್ಯಾಯದಂತೆ 

ನೋವೆಲ್ಲ ತನ್ನಲ್ಲಿಟ್ಟುಕೊಂಡು..

ನಗು ಮಾತ್ರ ನಮ್ಮ ಪಾಲಿಗಿರಿಸಿ.. 

ಅಸೆ ಕನಸುಗಳಿಗೆಲ್ಲ ಬೆಂಬಲದ ನೀರುಣಿಸಿ 

ಇಡುವ ಪ್ರತಿ ಹೆಜ್ಜೆಗೂ ಅಂತಃಶಕ್ತಿಯಾಗುವ

ಅಪ್ಪನಂತಹ ಅಪ್ಪನಿಗೆ ...

"ಹುಟ್ಟುಹಬ್ಬದ ಹಾರ್ದಿಕ ಶುಭಾಷಯಗಳು"